Artisti Robert Aliaj për këngëtaren Parashqevi Simaku akuzoi për shfrytëzim sipërmarrësin Elton Ilirjani i cili e mori nga rruga ku qëndronte prej vitesh si e pastrehë.
Ti humbet kohën duke filmuar, ti nuk shijon asgjë. Nuk ka intimitet fare, aty kishte një shfrytëzim të pacipë, për të përfituar nga një femër në vulnerabilitet total që nuk ofronte as intimitet asgjë.
Tregoi më shumë nga çdo gjë se në çfarë gjendje mjerane është shoqëria shqiptare, janë mediat dhe gazetarët.
Një karikaturë masive, një komb i zhdukur në mjerim, në thatësirë shpirtërore.
Për Parashqevinë më vjen keq, se u përdor në mënyrë të paprecedentë.
Aty u shfaq se çfarë qelbësire jemi ne si popull dhe çfarë mentaliteti kemi.
Nuk ka nostalgji, por ne qajmë veten tonë, nuk qajmë hallin e tjetrit. Tërheq thashethemi.
Ai tha në emisionin “Zonë e Lirë” të Arian Çanit në MCN TV, se u bënë karagjoz edhe emisionet më politike dhe u futën në garë se kush shihej më shumë dhe shfrytëzuan personazhin e këngëtares për shikueshmëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
