Pedofili i akuzuar për përdhunimin e 30 fëmijëve është dënuar me vdekje nga gjykata në Pakistan. Shtetasi Sohail Ayaz që punonte në grupin britanik të bamirësisë “Save the children”, gjatë gjykimit pranoi përdhunimin e 30 fëmijëve.
Në përfundim Sohail Ayaz, mori tre dënime me vdekje për krimet e tij në Pakistan. Ai u dënua për pengmarrjen e tre djemve të mitur, intoksikimin e tyre me lëndë narkotike dhe më pas përdhunimin e tyre. “Ai ishte një hallkë malinje në mesin e shoqërisë civile dhe nuk meriton asgjë përveç dënimit më të rëndë. Aktet për të cilat akuzohet janë ç’njerëzore, më keq se të bishës, sepse edhe bisha më e keqe e njeh pafajësinë e këlyshëve të saj. I akuzuari nuk meriton mëshirë dhe as simpati në dënimin me vdekje. Do të varet në litar derisa të vdesë, kur kjo të konfirmohet nga Gjykata e Lartë e Lahore”, tha gjykatësi Jehangir Ali Gondal, ndërsa i jepte dënimin.
Sohail Ayaz, edhe pse ishte dënuar më parë për akte seksuale me fëmijë, kjo organizatë nuk kontrolloi të shkuarën e tij, pasi detyra që ai kishte, supozohej të mos kishte të bënte me fëmijët. Zyrtarët treguan se kishin gjetur materiale të shumta pornografike me fëmijë në kompjuterët e Ayaz, prej të cilave ai kishte përfituar financiarisht, me regjistrimet dhe shitjen e akteve djallëzore.
Në shtëpinë e tij, policia gjeti shumë imazhe të fëmijëve të abuzuar në shtëpinë e tij në Barking, në lindje të Londrës. Pas dënimit, ai u dërgua në Pakistan, ku tashmë vuan dënimin me vdekje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
