Me anë të një postimi të shkurtër, Donald Trump, presidenti i Amerikës, njoftoi se do të kthehen në atdhe deri në Krishtlindje të gjithë trupat që kanë mbetur në Afganistan. Më herët administrata e Amerikës kishte kishte lënë një afat më të vonshëm, por duket se ka qenë vetë presidenti që ka ndërhyrë në këtë drejtim.
Në rrjetin sociale ‘twiter’ Donald Trump shkroi: “Numri i vogël i mbetur i burrave dhe grave tona trime që shërbejnë në Afganistan duhet të jenë në shtëpi deri në Krishtlindje!”.
Trupat amerikanë në Afganistan u vendosën për herë të parë në vitin 2001 si përgjigjje ndaj sulmeve të 11 shtatorit në Neë York dhe Uashington. Kjo është lufta më e gjatë që Amerika ka bërë në një tokë të huaj, shkruan Zëri i Amerikës.
Në shkurt të këtij viti SHBA dhe talebanët arritën një marrëveshje për tërheqjen e të gjitha forcave amerikane nga Afganistani deri nga mesi i vitit 2021 në këmbim të garancive të dhëna nga talebanët për të mos lejuar që grupet terroriste të përdorin tokën afgane për sulme ndaj të tjerëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
