Analisti dhe gazetari Ylli Rakipi thotë se kryeministri Rama po përdor opozitën e re për të bërë ndryshimet që i interesojnë atij në sistemin zgjedhor. Në një analizë në studion e emisionit “Në fokus”, në TvT, Rakipi tha se deputetët e rinj po bëjnë lojën e Ramës, të cilin e kanë mbështetur me votë herë pas here.
“Mercenarë që mbajtën në pushtet Edi Ramën. Disa i fut Edi Rama dhe bëjnë lojën e ndyrë të tij. Listat e hapura nuk i kërkon opozita. Ai po përdor të ashtuquajturën opozitë parlamentare. Rama po përpiqet të marrë benefitin e madh të tyre. Ç’do të thotë stop koalicioneve? Është e drejtë e të rinjve që duan të hyjnë në politikën shqiptare. Kështu i duhet Edi Ramës dhe merr të gjithë palaçot që kanë hyrë në Parlament dhe duhet të votojnë ata, që të fitojë Edi Rama”, tha ai.
Rakipi tha se qëllimi i ndalimit të koalicioneve është të neutralizohet Ilir Meta dhe partia e tij, e cila kryen funksionin e ndryshimit të ekuilibrave të pushtetit. Për analistin Rakipi, një përpjekje e tillë e Ramës do të thotë prishje e sistemit dhe vetë marrëveshjes së arritur 10 ditë më parë.
“Pra në momentin e fundit ti prish atë që bëre, marrëveshjen me të cilën u mburr Ambasada Amerikane. Tani Edi Rama kërkon me të gjitha mënyrat ta prishë sistemin, duke ndaluar koalicionet. Ilir Meta me partinë e vet ka qenë në rolin e kingmakerit. Fituesi ka qenë ku ka shkuar ai. Në 2017 e mbyllën Ilir Metën në Presidencë. Tani Meta është superkingmaker”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
