Miliarderët rusë, të prekur nga sanksionet ndërkombëtare dhe të nënshtruar presionit të Presidentit rus Vladimir Putin për të riatdhesuar pasurinë e tyre, kanë tërhequr asete me vlerë dhjetëra miliarda dollarë nga Europa pas ndërhyrjes ushtarake në Ukrainë.
Një lajm i tillë raportohet nga Bloomberg. Muajin e kaluar, aksionerët e United Medical Group CY dhe MD Medical Group Investments, të kontrolluar nga manjatët Igor Shilov dhe Mark Kurtser, miratuan transferimin e kompanive nga Qipro në Rusi.
Të pasurit e Rusisë po transferojnë fondet e tyre nga vende si Qiproja, Zvicra ose ishulli i Jersey në Mbretërinë e Bashkuar përsëri në Rusi ose në vende që Moska i konsideron miqësore, si Kazakistani ose Emiratet e Bashkuara Arabe.
Të parët që ndërmorën këtë hap ishin miliarderi i plehrave, Andrey Guryev dhe manjati i çelikut Victor Rashnikov, të ndjekur nga Igor Altushkin, Igor Shilov, Mark Kurtser dhe të tjerë.
Ndërsa elita ruse tradicionalisht ka preferuar të ruajë asetet në Europë, opsionet e tyre po zvogëlohen pasi shumë prej tyre e gjejnë veten në listat e sanksioneve perëndimore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
