Ish-kryeministri i Malajzisë, Najib Razak, u arrestua sot nga agjencia antikorrupsion në kuadër të hetimit për përvetësim në dëm të fondit të shtetit, bëhet e ditur nga burime të policisë, pas konfiskimit të objekteve të luksit që lidhen me këtë çështje.
Najib, i cili prej kohësh ka qenë i rrënuar nga akuzat për korrupsion, është akuzuar për përfitimin e 700 milionë dollarëve nga fondi i zhvillimit të shtetit 1MDB.
Miliarda dollarë janë ende pagjetur nga fondi, i krijuar nga vetë Najib.
Ai ka qenë nën hetim që nga humbja e zgjedhjeve shokuese në maj, por ai vetë mohon keqbërjen.
“Agjencia Malajziane Antikorrupsion (MACC) e ka shoqëruar Tan Sri Najib Razak në ndërtesën e MACC-së. Ai është shoqëruar me katër makina policie”, deklaroi për AFP një burim i Policisë.
Në maj, policia njoftoi se kishte sekuestruar qindra kartona ku ndodheshin çanta luksoze femrash të mbushura me para dhe bizhuteri, gjatë kontrolleve të kryera në kuadër të hetimit për përvetësim fondesh që kanë në shënjestër Najib, i cili mbajti posti kryeministrit nga viti 2009 deri në 2018.
Mallrat e konfiskuar u zbuluan në një ndërtesë të lartë në qendër të kryeqytetit Kuala Lumpur. Këto objekte vlerësohen deri në 234 milionë euro, kishte bërë të ditur policia javën e kaluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
