Ambasadori grek në Brazil është zhdukur që prej dy ditësh raportojnë mediat atje dhe nuk ka asnjë gjurmë prej tij.
Ai është Kyriakos Amiridis, 59 vjeç dhe tashmë Policia ka nisur hetimet për gjetjen e tij. Nga ana tjetër, autoritetet greke nuk kanë dhënë detaje për lëvizjen e tij, çka vështirëson punën e policisë.
Por gazeta braziliane “Folha” ka folur me Ambasadën dhe ajo i ka konfirmuar se për çështjen është vënë në dijeni Ministria e Jashtme greke dhe ajo e Brendshme.
Një tjetër zyrtar ka thënë se ka folur me SMS me ambasadorin dhe ka marrë përgjigje, por nuk dihet nëse telefoni po përdoret nga vetë ambasadori.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
