Kryeministri Edi Rama nga Finiqi, ku po shpërndan leje legalizimi, e nis fjalën e tij me batuta para qytetarëve ku ka dhe minoritet grek.
Ai i ka përshëndetur ata me humor në greqisht, “Si je? Kalla? Kalimera të gjithëve”, pohoi Rama me humor, duke shkaktuar dhe të qeshura mes të pranishmëve.
Por kreu i qeverisë Rama nuk haroi pa hedhur edhe nja dy thumba për kreun e PBDNJ-së, Vangjel Dulen duke bërë lojëra fjalësh me të pranishmit në takim. Kreu i qeverisë i ka bërë disa pyetje banorëve se ku ishte Dule, ndërsa njëri prej të pranishmëve i thotë se ishte në gjumë.
Nga ana tjetër Rama pohoi se e njihte Dulen dhe se e kishte mik, ndërsa nuk kurseu as batutat për ‘jorgot’ dhe Athinën zyrtare.
“Vettingu, që i ka detyruar ata që të futen në çadër, bashkë me Vangjelin. Se di ca bën ai sot. Sot është Shën Thomai, jo Shën Vangjeli. (Shën Gjergji i thonë të pranishmit) Po i thash Gjergji, do ngrihen ata të Athinës dhe të thonë se ‘na morën Jorgon’. Se i çon sms Vangjeli. Ça bën Vangjeli në çadër?? (Pyet) (Fle gjumë thonë banorët) Gjumë nuk fle ai, se e njoh dhe e kam mik. Duhet thirrur në rrugë të drejtë, ju të kishës mund ta thërrisni. Po Vangjeli nuk merret me këto punë, se ai merret me demokracinë”, tha Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
