Zbardhet aksidenti që i mori jetën punonjësit të Burgut të Fushë-Krujës 4 ditë më parë. Policia ka zbardhur ngjarjen dhe ka identifikuar autorin, pasi ka gjetur të braktisur mjeti që i shkaktoi vdekjen 50-vjeçarit V.D. Autori i aksidentit me vdekje është A.P., 27 vjeç, banues në Krujë.
Njoftimi i policisë
Specialistët për Krimet në Komisariatin e Policisë Krujë në bashkëpunim me Efektivat e Policisë Ishëm, pas një pune hetimore intensive dhe kërkimeve të pandërprera në terren kanë zbuluar ngjarjen e ndodhur 4 ditë më parë, ku mbeti i vdekur një Punonjës Policie i Burgut të Fushë-Krujës, shtetasi V.D. 50 vjeç. Në vijim të kërkimeve në një shtrirje të gjërë territoriale bëjmë me dije se në Shkafane, Ishëm është gjetur i braktisur mjeti që ka përplasur për vdekje shtetasin e mësipërm. Mjeti është tip BMW, seria 5 E60 , me targa AA 903 OV. Autori, i cili ka shkaktuar aksidentin është identifikuar nga uniformat blu dhe po punohet për kapjen e tij, konkretisht shtetasi A.P. 27 vjeç, banues në Krujë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
