Ish-prokurori i Përgjithshëm Adriatik Llalla, ka bërë rekurs në Gjykatën e Lartë, ku kundërshton vendimin e dhënë më herët nga Gjykata e Posaçme e Apelit që riktheu pasuritë e tij në sekuestro.
Hetimet për ish-kryeprokurorin kanë nisur prej rreth dy vitesh. Llallës i është komunikuar pranverën e vitit të shkruar akuza për “Refuzim për deklarim, mosdeklarim, fshehje ose deklarim i rremë i pasurisë, interesave private të zgjedhur dhe nënpunësve publikë ose i çdo personi tjetër që ka detyrimin ligjor për deklarim”.
Akuza ka të bëjë me një shumë parash të padeklaruara në Gjermani, të përdorur për shkollimin e vajzës, shumë për të cilën Llalla thekson se e ka marrë borxh tek një mik. Hetimi ndaj ish-kryeprokurorit u regjistrua fillimisht nga Prokuroria e Durrësit më 15 mars 2018 nën akuzën e fshehjes së pasurisë, shpërdorimit të detyrës dhe pastrimit të parave, por më pas u transferua në ish-prokurorinë e Krimeve të Rënda.
Më datë 20 Gusht 2018 ish-Gjykata e Shkallës së Parë për Krime të Rënda, pranoi kërkesën e Prokurorisë, duke vendosur masën “sekuestro preventive” për pasuritë në emër të tij, që janë kryesisht toka në Durrës dhe Tiranë.
Vlera e pasurive të ish-kryeprokurorit ishte rreth 1 miliardë lekë. Adriatik Llalla i shpëtoi procesit të vetingut, pasi paraqiti dorëheqjen para Komisionit të Pavarur të Kualifikimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
