Shteti austriak do të mbyllë disa pika kufitare me Hungarinë dhe Sllovakinë për shkak të përhapjes së virusit këmbë-gojë. Masat për kontrollin e sëmundjes, përfshirë dezinfektimin, do të nisë të zbatohet nga 5 prilli dhe sipas Ministrisë së Brendshme të Austrisë dekreti do të jetë në fuqi deri më 20 maj.
Sëmundja, e cila nuk paraqet asnjë rrezik për njerëzit, më së shumti prek bagëtitë dhe kafshët e tjera dythundrake si derrat, delet dhe dhitë, duke shkaktuar ethe dhe flluska në gojë.
Sllovakia shpalli një situatë emergjente në fillim të javës pasi sëmundja u konstatua në tre ferma. Ndërkohë, përhapja e parë e sëmundjes jashtëzakonisht infektive në Hungari në 50 vjet e shtyu vendin të vendosë ushtarë dhe të zbatojë masa dezinfektuese të mërkurën në një zonë në kufi me Sllovakinë dhe Austrinë, me qëllimin për të kufizuar përhapjen e saj. Ky veprim vjen si masë parandaluese për të kufizuar shpërndarjen e sëmundjes, veçanërisht në distriktet kufitare austriake.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
