Faik Martinaj, xhaxhai i Ervis Martianjt, ka bërë një kallëzim në Policinë e Kurbinit.
MCN TV mëson se ai ka deklaruar para “bluve” se prej tre ditësh familja nuk ka kontakte me Ervis Martinajn.
Ky i fundit është në kërkim ndërkombëtar me urdhër të SPAK.
Kujtojmë që emri i tij u lakua gjatë dëshmisë së Nuredin Dumanit, ku ky i fundit pretendoi se ai kishte urdhëruar një atentat ndaj Indrit Dokles.
Vetëm pak javë më parë, Martinajt i ekzekutuan kushëririn Brilant Martinaj, në një atentat që ndodhi në mbikalimin e Fushë-Krujës, duke tronditur opinionin publik.
Ervis Martinaj ka qenë po ashtu i pranishëm në vrasjen e ndodhur në zonën e ish-Bllokut në kryeqytet ku mbeti i vrarë shoku i tij Fabiol Gaxha. Në këtë ngjarje Martinaj mbeti i plagosur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
