Gjykata e Posaçme e Apelit për Korrupsionin dhe Krimin e Organizuar ka lënë në fuqi masën e sigurisë “pezullim nga ushtrimi i një detyre a shërbimi publik” për Belinda Balluku.
Sipas një komunikimi për median, trupi gjykues i kryesuar nga gjyqtarja Miliana Aliaj shqyrtoi ankimin e paraqitur nga Balluku kundër vendimeve të Gjykatës së Posaçme të Shkallës së Parë për Korrupsionin dhe Krimin e Organizuar, të datave 19 dhe 22 nëntor 2025.
Pas shqyrtimit, Gjykata e Apelit vendosi miratimin e vendimit nr.18 të datës 19.11.2025 dhe të vendimit nr.120 të datës 22.11.2025, duke lënë në fuqi masën e sigurisë “pezullim nga ushtrimi i një detyre a shërbimi publik”, e parashikuar nga neni 242 i Kodit të Procedurës Penale. Vendimi lidhet me hetimin penal nr.5 të vitit 2026, i regjistruar më 10 shkurt 2026, ku Balluku akuzohet për veprën penale “Pezullimi i ushtrimit të një detyre a shërbimi publik”.
Balluku është shkarkuar nga dy funksionet që mbante në qeveri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
