Autoritetet saudite kërkojnë 6 miliardë dollarë nga Princi burgosur Al-Waleed bin Talal për të siguruar lirinë e tij, pasi ai u arrestua në një spastrim të supozuar anti-korrupsion.
Kjo është shuma më e lartë e kërkuar deri më tani nga autoritetet në shtetin e Gjirit, dhe mund të përfshijë dorëzimin e një pjesë të madhe të konglomeratit të tij, "Holding Company", e cila ka një vlerë tregu prej 9 miliardë $.
Shumica e princave të ndaluar të cilët mbahen të mbyllur në burgun e improvizuar me pesë yje "Ritz Carlton" në Riad, u arrestuan në nëntor dhe kanë paguar tashmë shuma të mëdha për të siguruar lirimin e tyre.
Al-Waleed, 62 vjec është njeriu i 57 më i pasur në botë me një pasuri 18 miliardë dollarë dhe sipas Wall Street Journal, e cila citoi burime brenda mbretërisë se princi miliarderë është duke u përpjekur për të arritur një marrëveshje për lirimin e tij.
Princi Waleed ka aksione në disa prej kompanive më të mëdha në bote si Twitter, E Bay, Mc Donalds, Four Season Hotel, Coca Cola, Diney Paris, AOL, Amazon, Apple etj.
Princi, i cili është kushëri me princin e kurorës të Arabisë Saudite, Mohammed bin Salman u arrestua me urdhër të këtij të fundit në valën e nismës antikorruspion në të gjithë vendin rreth 2 muaj më parë.
Dhjetra figurave të profilit të lartë, duke përfshirë princa, ministra dhe manjatë janë ndaluar në mbretëri në spastrimin më të madh në historinë e saj të elitës të kohëve të fundit.
Prokurori i Përgjithshëm ka thënë më parë se 100 miliardë $ është vlera që shteti ka humbur nga korrupsioni në dekadën e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
