Ish-gruaja denoncon shqiptarin në Greqi: Më kërcënoi me vrasje dhe më përdhunoi!

Një grua 43-vjeçare në Greqi ka denoncuar për përdhunim ish-bashkëshortin e saj shqiptar, 4 vjet pas divorcit. 

Gruaja ngriti një padi ku pretendon se ish-bashkëshorti 45-vjeçar u shfaq në shtëpinë e saj të martën, e kërcënoi se do ta vriste, dhe më pas e përdhunoi.

Ndërkaq i akuzuar pretendon se marrëdhënia seksuale është bërë me konsensus. Ai gjithashtu mohoi të ketë kërcënuar me vrasje ose të ketë krijuar ndonjë incident jashtë shtëpisë.

43-vjeçarja nënë e një fëmije të vogël do t'i nënshtrohet analizave dhe prokurori ka urdhëruar një ekzaminim paraprak.

Mësohet se 45-vjeçari me origjinë shqiptare nuk ka dokumente dhe është ilegal në Greqi.