Babë e bir u goditën me thikë nga fqinji, ndërron jetë në spital 77-vjeçari

Ndërron jetë pasi u godit me thikë 77-vjeçari, Haxhi Balla ndërsa vijon të jetë nën kontrollin e mjekëve djali i tij 53 vjeç Aleks Balla. 

Ngjarja  ndodhi në fshatin Qënas ku për motive të dobëta 38-vjeçari Armando Boriçi goditi me thikë babë e bir.  Mësohet se konflikti nisi pas ndezjes së një zjarri nga Haxhi e Aleks Balla tymi i të cilit përfundoi në dritaren e shtëpisë së 39-vjeçarit Boriçi. 

Sherri nisi fillimisht me fjalë e shpulla, ndërsa  përfundoi  me goditjen e thikës nga ana e 38 vjeçarit ndaj Aleks e Haxhi Ballës.

“Blutë” arritën të ndalonin autorin e ngjarjes ndërsa u shoqëruan në spitalin e Fierit dy të lënduarit ndërsa fatkeqësisht 77-vjeçari nuk arriti t’i mbijetojë goditjeve të thikës.