Të paktën 10 persona mbetën të vrarë dhe 60 të tjerë u plagosën nga një shpërthim i ndodhur në një fabrikë kimike në Indinë perëndimore.
24 orë pas aksidentit, shumë prej tyre rezultojnë ende të zhdukur, sipas raportimeve të mediave lokale.
Numri i të vdekurve nga shpërthimi në lagjen Thane të Maharashtrës u rrit në 10 pas zbulimit të tre trupave të tjerë në vendin e shpërthimit mëngjesin e sotëm, ndërsa rreth 64 persona u plagosën.
Aksidenti ndodhi të enjten në orën 13:30 me orën lokale kur një kazan në një fabrikë kimike shpërtheu, duke shkaktuar deformimin e trarëve të rëndë prej hekuri dhe shkëputjen e kulmeve ngjitur. Shpërthimi shkaktoi edhe dëme të shumta në shtëpitë aty pranë.
Ndërkohë, policia ka nisur hetimet për pronarët e uzinës për vrasje nga pakujdesia.
Sipas Forcës Kombëtare të Reagimit ndaj Fatkeqësive, fabrika prodhonte ngjyra ushqimore dhe përdorte perokside, kimikate të cilat janë shumë të paqëndrueshme në kushte të caktuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
