Biznesmeni nga Katari, Wissam Al Mana, mund të jetë duke shpresuar për një rikthim me këngëtaren Janet Jackson, nga e cila u nda vetëm pak javë pas lindjes së djalit të tyre.
Në një mesazh të postuar në faqen e tij, Al Mana shpreh dashurinë e madhe për bashkëshorten.
“Për njeriun më të bukur në botë, faleminderit për dashurinë tëndë hyjnore, mbështetjen e përhershme dhe faktin se ke qenë shoqja ime më e mirë. Të dua shumë, shpresoj të jemi bashkë në përjetësi”, janë fjalët që ai i ka kushtuar këngëtares, duke postuar edhe një foto me të.
Al Mana dhe Janet Jackson u martuan në vitin 2012. Çifti solli në jetë vogëlushin Eissa më 3 janar të këtij viti.
Ata u ndanë vetëm pak ditë më parë dhe mediat rozë, të cilat u referohen burimeve pranë çiftit, thonë se shkak janë bërë diferencat e thella kulturore mes këngëtares së popit dhe miliarderit të lindur në Katar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
