Vdekja e të riut në komisariat, Meta: Ngjarje të tilla trondisin besimin e qytetarëve tek organet ligjzbatuese

Presidenti Ilir Meta ka reaguar në lidhje me vdekjen e 31-vjeçarit mbrëmjen e djeshme në ambientet e komisariatit të Policisë në Kavajë. Nëpërmjet një postimi në rrjetet sociale Meta shkuan se është i papranueshëm fakti që një qytetar humbi jetën brenda institucioneve shtetërore. Presidenti shkruan se të tilla ngjarje trondisin thellësisht besimin e qytetarëve tek organet ligjzbatuese

Duke i shprehur ngushëllimet më të sinqerta familjes së të ndjerit Ilvi Meta, e konsideroj tepër të rëndë dhe të papranueshëm faktin që një qytetar humb jetën brenda institucioneve shtetërore, sikundër është Komisariati i Policisë së Kavajës.

Humbja e një jete në një moshë fare të re brenda Komisariatit të Policisë përbën jo vetëm një tragjedi familjare, por trondit thellësisht besimin e qytetarëve tek organet ligjzbatuese.

Bëj thirrje për zbardhjen sa më parë të rrethanave të vdekjes tragjike të të riut Ilvi Meta dhe vendosjen përpara drejtësisë të përgjegjësve për këtë tragjedi të pajustifikueshme.