Cardi B është shpërblyer me pothuajse 1 milion paund dëmshpërblim pasi fitoi një gjyq për shpifje kundër një youtuber-i.
Reperia e njohur për këngët si “I Like It, Money” dhe “WAP”, iu nënshtrua një "fushate keqdashëse" akuzash të rreme nga Latasha Kebe, e njohur në internet si Tasha K.
Kebe ka faqen e thashethemeve UnWineWithTashaK e cila ka një milion abonentë.
Ajo u urdhërua të paguante një total prej 927,437.50 £ Cardi B, thuhet në dokumentet e marra nga agjencia e lajmeve PA.
Gjatë gjyqit, avokatët e këngëtares, emri i vërtetë i së cilës është Belcalis Marlenis Almánzar, thanë se Kebe kishte zhvilluar "një fushatë për të dëmtuar dhe shkatërruar reputacionin e [Cardi B] te fansat e saj dhe publikut ".
Ata pretenduan se Kebe filloi të bënte "deklarata degraduese dhe ngacmuese" në fillim të vitit 2018 dhe vazhduan ta bëjnë këtë, në një moment duke pretenduar në mënyrë të rreme se ylli kishte punuar si prostitutë.
Avokatët e Cardi B thanë se komentet dhe videot në kanalin e Kebe i shkaktuan këngëtares "siklet, poshtërim, ankth mendor dhe shqetësim emocional".
Këngëtarja është e njohur për hite të tjera, duke përfshirë Thru Your Phone, I Like It dhe Bodak Yelloë, të cilat shfaqen në albumin e saj të vitit 2018 Invasion Of Privacy.
Procedurat e mëtejshme gjyqësore do të vazhdojnë dhe Kebe duhet të paguajë dëme shtesë dhe të rimbursojë shpenzimet ligjore të Cardi B.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
