Kreu i PD Sali Berisha ka uruar koalicionin e qendrës së djathtë për fitoren në zgjedhjet e Italisë, duke e konsideruar kryeministren e ardhshme Meloni një reformatore.
Në deklaratën për media Berisha i konsideron Melonin, Salvinin dhe Berluskonin si “aleatët tanë tradicionalë”.
Ndër të tjera në deklaratë thuhet:
Në Itali, fituan Georgia Meloni, Mateo Salvini, Silvio Berluskoni, aleatët tanë tradicionalë. Sot, Italia është në një moment historik. Meloni, sipas votës së qytetarëve italianë, do jetë kryeministrja reformatore e ardhshme e Italisë. Fitorja e zonjës Meloni dhe koalicionit që ajo udhëhoqi, është fitore e vlerave konservatore më të arrira të shoqërive të lira, fitore e lirisë, familjes, atdhetarisë dhe atdheut. Meloni është një euro-atlantiste e vendosur. Ajo ka përkrahur plotësisht qëndresën e kombit ukrainas për liri, dënuar agresionin barbar rus ndaj Ukrainës, ka qëndruar në anën e NATO dhe SHBA në këtë betejë. Georgia Meloni pa diskutim ka një begraund dhe vokacion të qartë europeist, në favor të BE-së”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
