Gjermania ka shmangur turpin në Europian, teksa vetëm në fund ka arritur të kualifikohet për më tej, ndaj Hungarisë. Këta të fundit po trioumfonin deri në minutën e 84-t, kur Goretzka barazoi shifrat.
Në “Allianz Arena” ishte një ndeshje me të vërtetë spektakolare, ku u shënuan plot 4 gola. Adam Szalai kaloi hungarezët në avantazh që në minutën e 11-të dhe pjesa e parë u mbyll me këtë rezultat. E dyta ishte akoma më e bukur, pasi u shënuan edhe 3 gola të tjerë. Fillimisht ishte Havertz që vendosi baraspeshën në minutën e 68-të, por kjo zgjati vetëm 2 minuta, pasi Schafer kaloi sërish në avantazh hungarezët. Kur të gjithë po mënonin se Hungaria bëri surprizën e madhe duke eliminuar Gjermaninë, erdhi edhe barazimi. Gortzka pas një topi të mbetur në zonë, ia doli ta dërgojë në rrjetë duke barazuar shifrat dhe duke kualifikuar skuadrën e Low për më tej.
Në ndeshjen tjetër, Portugalia dhe Franca barazuan me të njëjtin rezultat, duke u kualifikuar gjithashtu për më tej. Kjo u kthye në një sfidë personale mes dy sulmuesve, Benzema dhe Ronaldo, të cilët realizuan nga një dopietë. Portugezi shënoi dy herë nga pika e bardhë e penalltisë, ndërsa Benzema njëherë nga penalltia dhe njëherë pas një asisti të marrë nga Pogba.
Kështu, Franca e mbyll si kryesuese Grupin F me 5 pikë, e ndjekur nga Gjermania me 4 pikë dhe Portugalia me 4 pikë, ndërsa Hungaria e mbyll e fundit me vetëm 2 pikë, por me kokën lart, për atë që tregoi në këtë Europian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
