OJQ-ja Foro Penal raportoi se kishte regjistruar 1503 arrestime që prej fillimit të protestave në Venezuelë, si pasojë e zgjedhjeve të 28 korrikut, kur autoritetet zgjedhore ia atribuan fitoren presidentit Nicolas Maduro.
Në mesin e personave të burgosur nga qeveria 'Chavista' janë 129 adoleshentë, nga 14 deri në 17 vjeç, 14 indigjenë, 18 invalidë dhe 200 gra, saktëson OJQ.
Të dhënat e OJQ-së bien ndesh me ato të raportuara nga prokurori i përgjithshëm i Venezuelës, Tarek William Saab, sipas të cilit deri më tani janë arrestuar 2200 persona.
Maduro fitoi mandatin e tretë si president, ndërkohë që u zgjodh për herë të parë në prill 2013, pas vdekjes së paraardhësit të tij Hugo Chavez, nën drejtimin e të cilit shërbeu si zëvendëspresident.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
