Një gjykatë federale në SHBA ka vendosur në favor të Buzzfeed, një nga mediat më të mëdha online në SHBA, e cila ishte paditur nga një biznesmen për shpifje në lidhje me publikimin e një dokumenti të paprovuar mbi aktivitetet e supozuara të presidentit Donald Trump që përfshinë Rusinë dhe pretendimet për ndërhyrjen ruse gjatë zgjedhjeve të SHBA-ve në vitin 2016.
Gjyqtarja Ursula Ungaro vendosi të mërkurën në gjykatën federale të Miamit se Buzzfeed nuk është përgjegjës për botimin e një dokumenti që ishte bërë objekt i sjelljes zyrtare të qeverisë.
Biznesmeni Aleksej Gubarev tha se ai dhe kompanitë e tij janë lidhur gabimisht me dosjen e hakerimit rus të kompjuterave të zyrtarëve të Partisë Demokratike. Gubarev, i cili është vendosur në Qipro, kërkoi dëmshpërblim të paspecifikuar nga Buzzfeed dhe redaktori i saj i lartë, Ben Smith, për pretendimet për shpifje.
Gjykata vendosi që artikulli i Buzzfeed ishte "i drejtë dhe i vërtetë". Gubarev thotë se do ta apelojë vendimin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
