Ministria e Mbrojtjes do të apelojë vendimin që i jep të drejtën e rikthimit në punë Dritan Demirajt, i cili aktualisht ushtron funksionin e ministrit të Brendshëm teknik.
“Menjëherë sapo të njihemi me vendimin e gjykatës të zbardhur, Ministria e Mbrojtjes do të ushtrojë rekurs përpara gjykatës së lartë”, thuhet në reagimin e MM pas njohjes me vendimin e gjykatës.
Gjykata Administrative të Shkallës së Parë i ka dhënë të drejtë Ministrisë së Mbrojtjes për vendimin që ka marrë për largimin nga FA të kolonelit në lirim Dritan Demiraj. Por, Gjykata e Apelit vendosi dje të pranojë padinë e kolonelit në lirim, i cili mund të rikthehet në detyrë.
Dritan Demiraj u shkarkua nga ministrja Kodheli në dhjetor të vitit 2014.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
