Anija e mallrave e ngarkuar me kimikate është duke u përmbytur në brigjet e Sri Lanka. Mbytja e saj siç edhe është paralajmëruar mund të jetë një nga katastrofat mjedisore më të mëdha që ka përjetuar planeti ynë.
X-Press Pearl i regjistruar në Singapor kishte qenë i përfshirë nga flakë për gati dy javë.
Qindra ton naftë të cilat ndodhen në bord do të rrjedhin në det duke shkatërruar jetën detare aty pranë.
Sri Lankan dhe marina indiane kishin punuar së bashku gjatë ditëve të kaluara në përpjekje për të shuar zjarrin dhe për të parandaluar fundosjen e anijes. Por dallgët dhe erërat kanë penguar operacionin.
"Anija po fundoset. Lundruesit po përpiqen ta tërheqin anijen në det të thellë para se të fundoset për të minimizuar ndotjen detare, por zona e pasme e anijes është zhvendosur," i tha BBC zëdhënësi i Marinës së Sri Lanka, kapiteni Indika Silva.
Ambientalistja Dr Ajantha Perera i tha BBC se fundosja paraqiste "skenarin më të keq mjedisor".
"Me gjithë mallrat e rrezikshëm, acidin nitrik dhe të gjitha këto gjëra të tjera, dhe vajin në anije, nëse do të fundoset, në thelb do të shkatërrojë të gjithë fundin e detit," tha ajo.
Dr Perera tha që zhytësit duhet të ishin dërguar për të ekzaminuar anijen para se ajo të tërhiqej në det.
Pjesa bregdetare afër qytetit të Negombo - shtëpia e disa prej plazheve më të paprekur të vendit - tashmë ka parë ndotje të naftës dhe mbeturinave për ditë me radhë.
Burimi: BBC Përshtati: MCNtv.al
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
