Një shqiptar dhe një italian janë arrestuar në La Spezia, Itali, për shpërndarje droge. Karabinierët zbuluan se ata kishin fshehur një sasi prej 12 kg marijuanë në një bidon ullinjsh, të cilin e kishin groposur në tokë.
Në bidon, karabinierët gjetën edhe një peshore. Dyshimet nisën pasi shqiptarit, një 38-vjeçar, u rifut në Itali pasi i përfundoi afati i dëbimit. Karabinierët vunë re se ai ngjitej shpesh në një kodër më motorin e tij. Pasi e ndoqën, karabinierët vunë re se në pyll ai kishte fshehur diçka dhe gjetën rastin për ta arrestuar ndërsa po nxirrte drogën së bashku me një italian 29-vjeçar.
Në bidonin e groposur u gjetën edhe 1300 euro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
