“Termocentrali i Zaporizhzhia është në rrezik të një aksidenti bërthamor”

Termocentrali i Zaporizhzhia është "në rrezik të një aksidenti bërthamor", sipas kreut të agjencisë ruse të energjisë bërthamore Rosatom.

"Ne po informojmë komunitetin botëror se centrali [energjia bërthamore] është në rrezik të një aksidenti bërthamor dhe është e qartë se Kievi e konsideron të pranueshëm një incident të vogël bërthamor," u tha gazetarëve të hënën Alexey Likhachev, kreu i Rosatom, raporton agjencia shtetërore e lajmeve TASS.

“Ky do të jetë një precedent që do të ndryshojë përgjithmonë rrjedhën e historisë. Prandaj, duhet bërë gjithçka që askush të mos ketë në mendje të cenojë sigurinë e termocentralit bërthamor”, shtoi ai.

Ka pasur granatime të shpeshta brenda dhe rreth uzinës dhe shpërthime më të fuqishme janë dëgjuar atje gjatë fundjavës, tha të dielën Agjencia Ndërkombëtare e Energjisë Atomike (IAEA).

Sot një ekip ekspertësh të IAEA do të kryejë një vlerësim të ndikimit të granatimeve në vend. Objekti bërthamor është në Ukrainë, por i pushtuar nga forcat ruse.