‘Gërdeci’/ Mediu: Çdo element duhet ishte pjesë e procesit, secili të mbajë përgjegjësi!

U zhvillua sot seanca e radhës gjyqësore në GJKKO për ish-ministrin Fatmir Mediu, i cili po hetohet për çështjen “Gërdeci”.

Në një komunikim për mediat Fatmir Mediu u shpreh se Prokuroria duhet të bëjë të pamundurën që dëshmitarët të jenë të gjithë pjesë e procesit dhe secili të mbajë përgjegjësi për atë që ka ndodhur.

Gjithashtu shtoi se çdo akt nga Ministria për çështjen e Gërdecit ka qenë në përputhje me ligjin.

Nëse ka mangësi në mënyrën se si ka proceduar Prokuroria, nuk është përgjegjësi kjo e mbrojtjes. Në atë që lexoi gjyqtarja rezultoi se ka nevojë për përmirësim.

Është kompania që ka pasur kontratën dhe ka bërë procesin e demontimit dhe transaksionet e ndryshme të këtij procesi. Dhe duhet çdo element që është marrë me këtë proces të ishte pjesë e dëshmisë.