Arben Dulellari, drejtor bujqësie në bashkinë e Maliqit në një lidhje skype me MCN Live u shpreh se në këtë zonë janë rreth 4 mijë ha grurë, nga të cilat priten të merret rreth 40 kv për hektarë. Ai tha se ka pasur mjaft dëme për shkak të lagështisë, ndërsa theksoi se cilësia e prodhimit vendas mbetet me një cilësi shumë të mirë. Sipas tij, për shkak të ndryshimeve të kushteve klimatike prodhimi këtë vit pritet të jetë më i ulët se ai i vitit të kaluar. “Në bashkinë Maliq numërtohen rreth 4 mijë ha tokë të mbjella me grurë, nga të cilat parashikohet se prodhimi është rreth 40 kujntal për hektarë. Çmimi i grurit në këto ditë është 300 lekë të vjetra për kg, por mendoj se çmimi është më i ulët seç e meriton të jetë sepse është prodhim vendas me një cilësi të lartë dhe është shumë herë më i mirë se prodhimi i importuar. Fermerët duhet ta ruajnë për të pritur një çmim më të mirë sepse gruri tregtohet në periudha të ndryshme. Duhet të bindim konsumatorët dhe pronarët e fabrikave për cilësinë e prodhimit. Krahasuar me vitin e kaluar këtë vit do ketë prodhim më të vogël të grurit kjo për shkak të ndryshimeve klimatike dhe duhet theksuar se fermerët nuk duhet të fusin varietete të patestuara. Vitin e kaluar kemi realizuar diku te 45 kuintal për ha ndërsa këtë vit pritet të jetë 40-42. Mendojmë se së shpejti do kemi një rritje të çmimit të grurit sepse eksperienca e viteve të tjera e ka treguar këtë, ndërsa duhet të zvogëlohet dhe importi i grurit nga jashtë për të shitur prodhimin vendas për të cilin nuk mendoj se do mbetet stok për shkak dhe të cilësisë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
