Presidenti amerikan Joe Biden dënoi një “sulm të paprovokuar dhe të pajustifikuar nga forcat ushtarake ruse” në një deklaratë të mërkurën në mbrëmje pas shpërthimeve në Ukrainë.
“Presidenti Putin ka zgjedhur një luftë të paramenduar që do të sjellë një humbje katastrofike të jetës dhe vuajtje njerëzore. Vetëm Rusia është përgjegjëse për vdekjen dhe shkatërrimin që do të sjellë ky sulm, dhe Shtetet e Bashkuara dhe aleatët dhe partnerët e saj do të përgjigjen në një mënyrë të bashkuar dhe vendimtare. Bota do të konsideroj Rusinë përgjegjëse”, tha Biden.
Pak para se të fillonin shpërthimet në Ukrainë, presidenti rus Vladmir Putin bëri thirrje për “çmilitarizimin” e Ukrainës në komentet televizive duke njoftuar një operacion ushtarak.
Biden tha se ai planifikoi të fliste me popullin amerikan të enjten dhe do të njoftonte “pasojat e mëtejshme” që SHBA dhe aleatët e saj planifikonin t’i impononin Rusisë mbi “këtë akt të panevojshëm agresioni kundër Ukrainës dhe paqes dhe sigurisë globale” raporton gazetari Jeremy Herb i “CNN”.
“Ne gjithashtu do të koordinohemi me aleatët tanë të NATO-s për të siguruar një përgjigje të fortë dhe të bashkuar që pengon çdo agresion kundër Aleancës,” tha Biden.
Ndërkohë një këshilltar i ministrit të brendshëm të Ukrainës, Anton Gerashchenko, tha se "pushtimi" i Rusisë ka filluar me "sulme me raketa në Kiev".
Vlerësimi i hershëm nga SHBA është se ky është fillimi i pushtimit të plotë rus, sipas një zyrtari të lartë amerikan të njohur me inteligjencën më të fundit amerikane.
Burimi tha se besimi është se shpërthimet e dëgjuara pranë Kievit dhe Odesës janë me gjasë raketa, ndërsa ato rreth Kharkivit në Ukrainën lindore ka të ngjarë të jenë artileri, duke pasur parasysh afërsinë me kufirin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
