Eksperti i lartë i sëmundjeve infektive në SHBA, Anthony Fauci, ka deklaruar se në fundin e nëntorit, por me shumë mundësi në fillim të dhjetorit, do të kemi një vaksinë për koronavirusin. Sipas Fauci-t, i cili është pjestar i taks forcës kundër covid-19 në Shtëpinë e Bardhë, vështirësia më e madhe do të jetë shpërndarja e vaksinës, pasi fillimisht do të jetë e limituar.
“Mendoj se do të mësojmë nëse një vaksinë është e sigurt dhe efikase në fund të nëntorit ose në fillim të dhjetorit. Pyetja është, pasi e kemi një ose më shumë vaksina të sigurta, si do t’i çojmë tek njerëzit që kanë nevojë së më shpejt të jetë e mundur.
Sasia e dozave që do të jenë të disponueshme në dhjetor nuk do të jetë e mjaftueshme. Do të kenë prioritet stafi mjekësor apo ata që gjenden në kategorinë e personave më të riskuar. Të tjerë do të duhet të presin disa muaj të tjerë në 2021-shin,”- u shpreh ai.
Fauci, i cili para pak ditësh u kritikua nga presidenti Trump, ndër të tjera shton se vaksina nuk do të zëvendësojë nevojën e respektimit të masave që janë në fuqi për të mbrojtur qytetarët nga virusi, për një kohë të caktuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
