Gazetari investigativ Artan Hoxha hedh dritë mbi të tjerë detaje nga krimi i dyfishtë në Sukth, ku humbën jetën ish-shefi i Krimit Ekonomik në Tiranë, Ervin Dalipaj dhe miku i tij Juxhin Dauti.
Teksa ishte i ftuar në emisionin “Kjo Javë’ në ‘News24’, Hoxha pohoi se tek i njëjti pronar ku viktimat kishin marrë makinën, qeveria shqiptare kishte marrë me qira një makinë të blinduar, me të cilën udhëtoi dhe ministri i Jashtëm gjerman, Sigmar Gabriel më 17 prill në vendin tonë.
“Personi që iu ka dhënë makinën viktimave është i njëjti që u qeveria mori dhe makinën e blinduar, me të cilën udhëtoi dhe ministri i Jashtëm gjerman gjatë vizitës së tij në Shqipëri”, tha Hoxha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
