Që në orët e para të mëngjesit edukatoret e kopshteve dhe çerdheve të Tiranës janë paraqitur për të marrë dozën e parë të vaksinës “Astrazeneca”. Thirrjen për vaksinim, ato e cilësuan lajm të mirë, duke argumentuar se janë ndër grupet me të rrezikuara për t’u prekur nga Covid 19.
Të pyetura nëse kishin preferencë lidhur me llojin e vaksinës, edukatoret thonë se për to, mjafton që po vaksinohen.
Punonjësit e kopshteve dhe çerdheve janë ndër grupet më të rrezikuara, nisur edhe nga fluksi i lartë i fëmijëve për të cilët kujdesen. Ky rrezik është më i pranishëm sidomos në kopshte, të cilat në kryeqytet janë të mbipopulluara. Mesatarisht për një grup me 40 fëmijë, kujdesen 2 edukatore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
