Avokati i njohur serb, Dragoslav Ognjanoviç, u vra të shtunën para banesës së tij në Beograd.
Ognjanoviç është ekzekutuar pasdite para ndërtesës ku banonte në lagjen Beogradi i Ri në kryeqytetin serb, bëjnë të ditur mediat serbe.
Ognjanoviç ishte pjesë e ekipit ligjor të ish-presidentit të Serbisë, Slobodan Miloseviç, gjatë gjykimit në Tribunalin e Hagës për ish-Jugosllavinë.
Gjithashtu, Ognjanoviç ishte avokat mbrojtës në shumë raste të profilit të lartë që kishin të bënin me mafjen në gjykimet që zhvilloheshin në gjykatat serbe dhe malazeze.
"Ishte një burrë i veshur me të zeza dhe me një kapuç të zi në kokë, rreth 180 centimetra i gjatë", kanë thënë dëshmitarët për vrasësin.
Kështu e përshkruan një dëshmitar okular vrasësin e avokatit të famshëm serb Dragoslava Miše Ognjanovića 57 vjeç.
Në atentatin ndaj 57 vjeçarit mbeti i plagosur dhe djali i avokatit, Peter 26 vjeç.
Pas të shtënave, atentatori u largua me këmbë drejt stacionit të autobusëve- thotë një prej dëshmitarëve, raportojnë mediat e Beogradit.
Po sipas dëshmitarëve, Peter e mbajti në krahë të atin ndërsa ra në tokë pas të shtënave.
"Ai tërriste "Babi, Babi" duke e mbajtur atë në prehër. Bluza e tij ishte e mbuluar në gjak" tha një nga fqinjët e tyre.
Menjëherë në vendine ngjarjes mbëriti policia, ndërsa të gjitha rrugët rreth zonës u bllokuan duke nisur kontrollin për kapjen e autorit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
