Munir Hoxha, aktivist, e cilëson mafioz projektin e hidrocentralit të Skavicës. Në studion e MCN Economy, ai tha se për projektin nuk ka pasur konsultim me specialistët.
Ky projekt është mafioz. Që në emërtim, fjala Skavicë është vënë me djallëzi për të maskuar se ky është projekti i varrosjes së zemrës së Dibrës. Përmbyten mbi 10 mijë hektarë. Në kohën e diktaturës, kur është diskutuar në Byronë Politike dhe Mehmet Shehu kërkoi me ngulm ndërtimin e Skavicës, Enver Hoxha tha se nuk mund të mbytet fusha e Tërviollit, ku korri fitoren e parë Skënderbeu. Atje dëmtohen një sërë kafshësh dhe shpendësh. Asnjë lloj takimi nuk është bërë me specialistë dhe njerëz që e njohin këtë fushë. Nuk besoj që e njeh njeri më shumë se unë Dibrën. Aty varrosen edhe 7 monumente natyrore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
