Kina thotë se nuk ka identifikuar ndonjë patogjen të ri që lidhet me një rritje të rasteve të sëmundjeve të mushkërive në veri, tha OBSH pasi kërkoi informacion të detajuar nga Pekini.
OBSH kërkoi informacion epidemiologjik dhe klinik përmes mekanizmit të Rregulloreve Ndërkombëtare të Shëndetit.
“Autoritetet kineze deklaruan se nuk janë zbuluar patogjenë të rinj ose të pazakontë, as ndonjë shenjë klinike të pazakontë, përfshirë në Pekin dhe Liaoning, por vetëm një rritje e përgjithshme e numrit të rasteve të sëmundjeve të frymëmarrjes për shkak të patogjenëve të njohur,” tha OBSH në një deklaratë për shtyp.
Që nga mesi i tetorit, OBSH ka studiuar të dhëna nga sistemet kineze të mbikëqyrjes që tregojnë një rritje të konsiderueshme të sëmundjeve të frymëmarrjes tek fëmijët në Kinën veriore.
Për këtë, OBSH theksoi një ditë më parë se i kishte bërë kërkesë zyrtare Pekinit për më shumë të dhëna.
Në fillim të kësaj jave, ProMED (një komunitet mjekësor në internet që ngriti pyetje në fund të vitit 2019 në lidhje me një sëmundje të panjohur që qarkullonte në Wuhan, që më vonë evoluoi në COVID-19) vuri në dukje një numër në rritje të rasteve të pneumonisë së pa diagnostikuar tek fëmijët në Kinën veriore.
FTV News, një media tajvaneze, raportoi se spitalet e fëmijëve në Pekin, Liaoning dhe gjetkë janë të mbingarkuar nga fëmijë të sëmurë dhe prindërit kanë filluar të pyesin nëse autoritetet po fshehin një epidemi të re. Ai thekson se mjekët po përballen me vështirësi nëpër spitale pasi presin një numër të madh pacientësh.
Provat tregojnë se diagnoza nuk mund të bëhej më herët, ndërkohë që fëmijët paraqiteshin me temperaturë të lartë dhe nyje pulmonare, pa kollë apo simptoma të tjera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
