Alarmi për variantin Delta në Europë, Portugalia dhe Spanja në krye të listës

Varianti Delta po përhapet me shpejtësi alarmante në Evropë dhe në botë.

Covid në Portugali

Në Portugali, varianti Delta tani përfaqëson 90% të rasteve të reja, më shumë se 2 mijë në ditë. Qeveria ka shpallur gjendjen e alarmit në 34 komuna, përfshirë Lisbonën, ku indeksi i transmetimit ka tejkaluar pragun e 120 rasteve për njëqind mijë banorë në 14 ditët e fundit dhe ku orari i lëvizjes mbyllet duke filluar nga 11:00, ndërsa puna në distancë është e detyrueshme kudo që të jetë e mundur. Situata e vështirë e infeksioneve është rikthyer në shumë qytete portugeze, përfshirë kryeqytetin dhe Porto, ku autoritetet shëndetësore kanë filluar të pendohen për rihapjen e përshpejtuar në javët e fundit. Por, për të shpallur një gjendje të re të jashtëzakonshme, duhet një urdhër nga presidenti, i cili ngurron për momentin.

Covid në Spanjë

Edhe në Spanjën fqinje situata është alarmante: 40% e infeksioneve të reja evropiane janë në Spanjë  aq sa Franca i këshillon qytetarët e saj të mos shkojnë atje me pushime.

Covid në Francë

As Parisi nuk është shumë më mirë: varianti Delta i koronavirusit është konfirmuar në 50 për qind të rasteve të reja të identifikuara në vend. Kjo u konfirmua nga ministri Francez i Shëndetësisë Olivier Veran në stacionin radio France Inter. Trendi po rritet, sipas Veran, i cili është bindur se gjatë fundjavës varianti i Covid-19 i identifikuar për herë të parë në Indi do të pqërbëjë shumicën e rasteve.

Varianti Delta: gjërat që duhet t’i dimë

Varianti Delta, i cili ka "një ngarkesë virale gjashtëdhjetë përqind më ngjitëse sesa llojet e tjera virale, është gjithashtu në rritje në Itali sipas të dhënave të Ministrisë së Shëndetësisë dhe Institutit të Lartë të Shëndetësisë në monitorimin javor. Rekomandimi është "të arrihet një mbulim i lartë me vaksinimin për të parandaluar përsëritjet e mëtejshme të episodeve të qarkullimit të rritur të virusit të mbështetur nga variante në shfaqje me transmetueshmëri më të madhe", edhe pse për momentin "ndikimi i sëmundjes COVID-19 mbi shërbimet spitalore mbetet minimal, pasi numri i shtretërve të zënë në zonën e kujdesit mjekësor dhe intensiv është në rënie”, raporton Corriere.

Qeveritë evropiane nuk reagojnë njësoj: ndërsa Londra anulon karantinën për qytetarët e saj që kthehen nga Spanja nga 19 korriku, Parisi nuk përjashton ngritjen e disa pengesave për kthimin e atyre që do të kalojnë pushimet në tokën iberike në të ardhmen e afërt, pavarësisht këshillave për të ndryshuar destinacionin. Paralajmërimi shkaktoi njëfarë trazire diplomatike sidomos me Madridin, ku sot ministri Francez i Punëve të Jashtme, Jean-Yves Le Drian pritet në një vizitë zyrtare: "Ne të gjithë duhet të veprojmë me maturi dhe harmoni midis partnerëve evropianë - deklaroi ambasadori spanjoll José Manuel Albares Bueno për AFP - Të ushqesh ankth dhe frikë është e padobishme”.