Izraeli dhe Turqia kanë vendosur të rivendosin plotësisht marrëdhëniet e tyre diplomatike dhe të kthejnë ambasadorët dhe konsujt e përgjithshëm të njëri-tjetrit në të dy vendet, pas përmirësimit të vazhdueshëm të marrëdhënieve dypalëshe.
Një deklaratë e tillë u bë publike nga zyra e Kryeministrit të Izraelit, Yair Lapid.
Përmirësimi i marrëdhënieve do të kontribuojë në forcimin e lidhjeve midis dy popujve, zgjerimin e marrëdhënieve ekonomike, tregtare dhe kulturore dhe forcimin e stabilitetit rajonal.
Në Ankara, Ministri i Jashtëm turk Mevlut Çavusoglu tha pas njoftimit të Izraelit se, pavarësisht rivendosjes së plotë të marrëdhënieve turko-izraelite, Turqia nuk do të braktisë kauzën palestineze.
Ambasadorët e Turqisë dhe Izraelit në Tel Aviv dhe Ankara u tërhoqën në vitin 2018 pas vdekjes së 60 protestuesve palestinezë në Gaza.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
