Ivana Trump, gruaja e parë e ish-presidentit të Shteteve të Bashkuara, nuk vdiq nga ataku kardiak, siç u raportua fillimisht. Shkak për vdekjen janë bërë plagët e rënda që ka marrë si pasojë e rënies nga shkallët. Lajmin e bën të ditur rrjeti ABC, duke cituar burime nga stafi mjekësor që kanë kryer ekzaminimet e urdhëruara nga prokurori.
Ivana Maria Zelnickova, ish-modele e lindur në Çekosllovakinë e 73 viteve më parë, vdiq më 14 korrik. Trupi i tij i pajetë u gjet i shtrirë në shkallët e banesës ku jetonte në Manhattan në Rrugën 64, përballë Central Park. Ajo kishte darkuar më herët në një restorant italian ku ishte kliente e rregullt. Fillimisht shkaku i vdekjes iu atribuua një arresti kardiak ose një sëmundjeje, megjithëse punonjësit e restorantit ku ajo kishte ngrënë thanë se atë mbrëmje ajo dukej më e shëndetshme se kurrë. Zach Erdem, një mik i saj, zbuloi për New York Post se Ivana, kohët e fundit kishte pasur problem me ecjen.
Vdekja e ish-modeles i konstatuar më 14 korrik nga një punonjëse e shtëpisë, e cila thirri mjekët e ndihmës, zjarrfikësit dhe efektivët e policisë. Shumë në rrjetet sociale kishin pyetur veten se cili ishte shkaku i vdekjes, duke ngritur pikëpyetje nëse rënia ishte aksidentale apo e shkaktuar nga një sëmundje. Megjithatë, mjekët kanë përjashtuar mundësinë që ajo të jetë vrarë nga dikush.
Giuseppe Sarcina, korrespondenti i Corriere në Uashington, shkruan: “Familja e Ivanës përfaqësonte një botë alternative ndaj asaj të metropolit të madh. Ish-modelja ishte rritur në pyll, në ajër të pastër, me babain e saj Milos, i cili e merrte për gjueti dhe peshkim. Megjithatë, në vitin 1971, ajo u martua me të parin nga katër burrat e saj: instruktorin austriak të skive Alfred Ëinklmayr. Në mars 1972 mori një pasaportë austriake; një vit më pas la burrin dhe emigroi në Kanada. Menjëherë pas kësaj, e shohim në Nju Jork, në një nga klubet më të famshme. Ajo takon një djalë të ri biond të gjatë, ambicioz. "Emri im është Donald", prezantohet ai. Ishte viti 1976. Një vit më pas ata bënë një dasmë të madhe. Ivana u integrua në mënyrë të përsosur në shoqërinë e Nju Jorkut të viteve tetëdhjetë: u fut në biznes, madje edhe në atë të paskrupulltin, në jetën plot ngjyra të natës, në lidhjet me të të fuqishmit.
Ish-modelja kishte tre fëmijë nga manjati me të cilin ishte e lidhur deri në vitin 1990. Ishte vetë ish-presidenti që e komunikoi vdekjen me një postim në rrjetin e tij social: “Njoftoj me pikëllim të madh të gjithë atyre që e donin dhe janë shumë të tillë, se Ivana Trump vdiq në shtëpinë e saj në Manhattan. Ajo ishte një grua e mrekullueshme, e bukur dhe argëtuese që e jetoi jetën me frymëzim të madh. Krenaria dhe gëzimi i saj ishin tre fëmijët e saj, Donald Jr, Ivanka dhe Eric. Ajo ishte shumë krenare për ta dhe ne ishim krenarë për të. U prehsh në paqe Ivana”».
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
