Identifikohet gruaja e cila u gjet e mbytur në rezervuarin e fshatit Rrenxë në Dibër.
Policia njofton se në vijim të informacionit paraprak të dhënë më parë, ku u gjet pa shenja jete në rezervuarin e fshatit Rrenxë, një shtetase, pas verifikimeve të kryera është bërë identifikimi i saj.
Viktima është Shpëtime Shehu, rreth 30 vjeç, banuese në fshatin Vrenjt. Paraprakisht dyshohet se gruaja është vetëmbytur, pasi sipas familjarëve vuante nga depresioni.
Nga këqyrja e trupit të viktimës nuk janë konstatuar shenja dhune, ndërkohë që grupi hetimor vijon hetimet për zbardhjen e rrethanave të ngjarjes
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
