Një grup inxhinierësh po protestojnë pranë kryesisë së Kuvendit para fillimit të mbledhjes së Komisionit të Veprimtarisë Prodhuese ku do të diskutohet p/ligji për Urdhrin e Arkitektit dhe Inxhinierit.
Pedagogu Azmer Duleviç duke folur për MCN Live tregoi se 500 inxhinierë e kundërshtojnë këtë Urdhër.
E kundërshtojmë që në zanafillë, janë 11 shoqata që nuk dihet se çfarë përfaqësojnë. Më e rënda është funksionimit të urdhrit. Nëse inxhinierët s’do jenë pjesë e urdhrit nuk do jenë në gjendje të ushtrojnë profesionin e tyre. Nuk jemi profesione të parregulluara, kemi që në 2009-ën që funksionojmë. Nuk sjell asgjë të re. Shton provimin që duhet dhënë dhe kuotat që duhet të paguajmë, sepse aktualisht nuk paguajmë kuota. E para është ana monetare, e dyta është pjesa e prodhimit. Pika tjetër që s'na përfaqëson është pjesa e zgjedhjes së anëtarëve të urdhrit. Ne s’jemi të përfaqësuar, si mundet ata të na përfaqësojnë ne. Aktualisht janë 500 inxhinierë që na mbështesin”.
Një tjetër inxhinier tha se:
Ky urdhër është kundër interesave tona dhe nuk ka transparencë. Ata të ulen, këtu ligji është ekzekutues, të fuqizohen ato”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
