Liderja e Frontit Nacional në Francë, Marine Le Pen, njoftoi të premten se partia e themeluar nga i ati, Jean Marie Le Pen, në vitin 1972, ka miratuar ndryshimin e emrit. Fronti Nacional tashmë do të quhet Bashkimi Nacional.
Le Pen fitoi 34% të votave vitin e kaluar në zgjedhjet presidenciale përballë Emmanuel Macron. Fushata e saj u karakterizua nga fjalimet kundër BE-së.
“Europianët në mbarë kontinentin po zgjohen dhe po ngrihen kundër oligarkisë federale që po i mban shtypur nën tiraninë e saj arrogante”, tha Le Pen të premten në Lion, kur njoftoi ndryshimin e emrit të partisë së saj.
Riemërtimi i partisë shihet si një përpjekje për t’u rilançuar. Në Francë, ku Macron habiti klasën politike me fitoren e tij si i pavarur, vitet e fundit ka pasur përpjekje të shumta për të riemërtuar partitë politike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
