Sekretari amerikan i Mbrojtjes, James Mattis, viziton sot Maqedoninë. Matis pritet të takohet me kryeministrin Zoran Zaev dhe ministren e Mbrojtjes, Radmila Sheqerinska.
Vizita e Mattis vjen në kuadër të mbështetjes për referendumin e 30 shtatorit për çështjen e emrit.
“Do t’i vizitoj miqtë tanë nga Maqedonia dhe do t’u bëj me dije se SHBA-të e përkrahin popullin e Maqedonisë”, ka deklaruar Mattis pak ditë më parë.
Sekretari amerikan i Mbrojtjes shprehu shqetësimin e ndërhyrjes së mundshme të Rusisë në procesin e referendumit në Maqedoni.
“Nëse ka votim, Moska do të ndërhyjë. Unë jam i shqetësuar për këtë. Ndërhyrje të tillë, Rusia e praktikonte nga Estonia deri në SHBA, nga Ukraina deri në Maqedoni”, tha Mattis pak ditë më parë në Pentagon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
