Shala: Të arrestuarit për sulmin në veri, të lidhur me grupin e Radojçiçit (VIDEO)

<p>Eksperti i sigurisë, Drizan Shala, thotë se sulmi ndaj ujësjellësit të Ibër-Lepencit në veri të Kosovës është pjesë luftës hibride që Serbia po zhvillon në përpjekje për të shtrirë autoritetin e saj atje.</p> <p>Në studion e MCN TV, Shala tha se deri tani janë tre të ndaluar për këtë sulm, të cilët lidhen me grupin që kreu sulmin në Banjskë.</p> <blockquote> <p><em>Jemi në fazën e hetimit. Takimi në Bruksel pas këtij sulmi është një nga momentum i rëndësishëm. Sulmi është në vazhdën e aktiviteteve që Serbia ndërmerr për të sfiduar shtrirjen e autoriteteve të Kosovës në atë pjesë. </em></p> <p><em>Deri tani kemi marrë veprime konkrete. Janë shoqëruar tetë persona, tre prej tyre janë ndaluar me dyshimin se janë të implikuar. Personat e ndaluar ishin pjesë e grupit që ka kryer sulmin e Banjskës. Do të ketë një hetim më të zgjeruar. Serbia përmes luftës hibride është duke tentuar të ketë shtrirje. Dëmtimi i digës së lumit i ka lënë 700 mijë qytetarë të Kosovës në ankth për furnizimin me ujë. </em></p> </blockquote> <p>Shala shtoi se kërkesa e Kosovës për dorëzimin e ideatorit të sulmit të Banjskës është legjitime, por gjasat që faktori ndërkombëtar të ushtrojë presion mbi Serbinë për këtë janë të vogla, për shkak të interesave gjeopolitike.</p> <blockquote> <p><em>Është kërkesë legjitime e Kosovës që të dorëzohet Milan Radojçiç. Në këtë moment nuk e shoh të mundur të realizohet kjo kërkesë. Është vështirë që faktori ndërkombëtar të bëjë presion. </em></p> </blockquote> <p>Shala u shpreh optimist për rolin e kryediplomates së re të BE-së në dialogun mes Kosovës dhe Serbisë. &nbsp;</p> <blockquote> <p><em>Shefja e re e BE, zonja Kallas, është më e vëmendshme dhe ka një përafrim në kuptimin e asaj që ka pasur një diversitet mes paraardhësit Borrell dhe Kosovës. &nbsp;</em></p> </blockquote> <p>&nbsp;</p> <iframe width="560" height="315" src="https://www.youtube.com/embed/fMKhIEC4WhU?si=X8hC-Ioh2WFYBHpJ" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>