Sa paguhen ambasadorët e Kosovës?

Edhe pse përfaqësojnë interesat e një shteti të vogël, ambasadorët e Kosovës duket se bëjnë jetë luksi në vendet ku jetojnë.

Në deklarimet e pasurisë, ambasadorët kanë treguar për pagën mujore e disa edhe vjetoren.

 Kështu, Sami Ukelli, ambasador në Ambasadën e Kosovës në Austri, ka deklaruar pagën vjetore prej 40 mijë e 56 euro. Përveç kësaj, Ukelli ka deklaruar edhe honoraret, shuma e të cilave është 1 mijë e 100 euro, shkruan Indeksonline.

Ndërsa, ambasadori në Bullgari, Shpend Kallaba në deklarimin e pasurisë tek paga vjetore ka bërë të ditur shumën mbi 46 mijë të pagës, saktësisht 46,171,80 euro e cila është me e larta nga të gjithë ambasadorët që janë deklaruar.

Më pak se ambasadorët me lart, paguhet ambasadori në Maqedoni, Ylber Hysa. Në deklarimin e pasurisë, ai ka bërë të ditur të ardhura vjetore prej 38 mijë e 712 euro.

Ndërsa, Valdet Sadiku, ambasador në Serbi, paguhet 42 mijë e 203 euro në vit.

Ish-ministri Bernard Nikaj i cili është angazhuar si ambasador në Belgjikë ka deklaruar një pagë vjetore 41 mijë e 390 euro.

Sylë Ukshini, ambasador në Shqipëri, ka shumë vjetore prej 36 mijë euro.

Luljeta Vuniqi, përfaqësuesja e Kosovës në Hungari, ka pagë mujore prej 3  616 euro.

Në anën tjetër, Vlora Çitaku e cila përfaqëson shtetin në Amerikë ka pagë mujore 3  393 euro.

Për dallim prej Çitakut, një ambasadore në Hungari ka pagën më të lartë se ajo. Vjosa Dobruna, ambasadore në Holandë paguhet gati 4 mijë euro.

Pagë të lartë mujore ka edhe Skënder Durmishi, ambasador në Mal të Zi. Ai paguhet 3 mijë e 814 euro.

Ndërsa, më pak se Durmishi, paguhet ambasadori në Slloveni, Nexhmi Rexhepi. Ai në deklarimin pasurisë, ka bërë të ditur pagën mujore 3 mijë e 400 euro.

Kurse, Gëzim Kasapolli, ambasador në Kroaci paguhet për çdo muaj 3 450 euro.

Ambasadori në Turqi, Avni Spahiu, ka pagë prej 3 mijë e 740 mijë; ndërsa Lirim Greiçevci, ambasador në Mbretërinë e Bashkuar, ka pagë prej 3 mijë e 577 euro.