Rregulli i ri në Everest, alpinistët duhet të vendosin jashtëqitjet në çanta organike

Për të ngjitur Everestin, do t’ju duhet të merrni me vete çanta të biodegradueshme.

Është ky rregulli i ri i vendosur nga autoritetet nepaleze të komunës rurale të Khumbu Pasanglhamu, me qëllim që të parandalojnë alpinistët të lënë mbeturinat e tyre në natyrë, duke ndotur malin më të famshëm në botë.

Shoqata e Alpinizmit të Nepalit, e cila tashmë ka komunikuar lajmin e pazakontë në faqen e saj të internetit, pritet gjithashtu që të përditësojë udhëzimet e saj së shpejti.

“Do të jetë një praktikë e përhershme. Duke detyruar përdorimin e qeseve të mbeturinave të biodegradueshme, ne shpresojmë të nisim ndryshime të rëndësishme pozitive dhe të mbrojmë këtë vend të trashëgimisë botërore nga dëmtimet e mëtejshme të shkaktuara nga ndotja e mbetjeve njerëzore”, tha Presidenti i shoqatës Mingma Sherpa.

“Kjo do të jetë një praktikë e përhershme nga sezoni i ardhshëm i Samitit të Everestit

Ai shpjegoi më pas se çantat do të kontrollohen pas kthimit, për të mbrojtur imazhin e bashkisë dhe autoriteteve të saj.

“Ata po shpërndajnë një sërë qese plastike për çdo alpinist, kështu që ato janë qeset e xhelit për të reduktuar mbeturinat”, tha alpinisti australian Allan Cohr, raporton Guardian.

Cohr shpjegoi se qeset kanë një përbërje kimike brenda tyre që forcon feçet dhe largon erën.

Është aq ftohtë në mal për shkak të mungesës së oksigjenit dhe mikrobeve natyrore sa feçet nuk dekompozohen, thjesht mbeten aty ku depozitohen.

Mund të qëndrojnë atje përgjithmonë.