Partia demokratike ka dënuar ashpër dhunën e ushtruar ndaj të rinjve, ndaj të moshuarve, ndaj burrave e grave të Tiranës, që kanë dalë në mbrojtje të Parkut të Liqenit.
Në deklaratën e PD lexohet se: Kjo dhunë e shëmtuar burracakësh është urdhëruar nga Edi Rama dhe Erion Veliaj, për të mbrojtur aferën korruptive të ndërtimit të paligjshëm. Partia Demokratike mbështet qëndresën e shoqërisë civile dhe qytetarëve të Tiranës dhe deklaron se janë në krahun e tyre në këtë lëvizje vendimtare për të ardhmen e qytetit dhe të demokracisë në vend.
Gjithashtu Partia Demokratike kërkon hetim të menjëhershëm nga prokuroria dhe vënie para ligjit të policëve që kanë ushtruar sot dhunë si dhe eprorëve të tyre. Dhe më tej në deklaratë është kërkuar lirimi i menjëhershëm i qytetarëve që janë shoqëruar në polici.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
