Zalla: Kombëtarja është e shenjtë për shqiptarët, t’i lëmë diskutimet për listën

Gazetari Lirim Zalla, foli në emisionin “Skaner” në MCN TV, për Kombëtaren shqiptare para Europianit.

Zalla tha se gjërat rrotullohen rreth Silvinjos, ndërsa theksoi se Kombëtarja është e shenjtë për shqiptarët.

Kombëtarja është shumë e shenjtë për shqiptarët. Silvinjo e kualifikoi Shqipërinë në Europian dhe gjërat do të rrotullohen rreth tij, për mënyrën si do luajnë, për lojtarët që ka grumbulluar. Janë shumë gjëra që diskutohen dhe bëjnë mirë. Futbolli ka shumë diskutime. Gjithsecili mendon se e njeh futbollin, për aty ku janë trajnerët është thellësia më e mirë e dijes për futbollit.  

 

 

 

Zalla tha se është tifoz i Silvinjos dhe trajneri nuk duhet të gjykohet për zgjedhjet e bëra.

Unë jam tifoz me Silvinjon. E kemi thënë që është trajneri më i përshtatshëm dhe më i thjeshtë. Solli disa emra që nuk i kishim menduar kurrë. Nuk kemi të drejtë të paragjykojmë trajnerin se kë merr dhe kë le. Cikalleshin e dua shumë. Ta lëmë të lirë Sivlinjon, përgjegjësia është në kurrizin e tij. T’i lëmë diskutimet, të mbështesim Kombëtaren dhe Silvinjon.