Miliarderia MacKenzie Scott, ish-gruaja e Jeff Bezos ka dhuruar edhe 2.7 miliardë dollarë të tjera për bamirësi.
Scott përmes një postimi në blog-un e saj shkruante se dëshironte t’i dhuronte ato para për ata që ishin anashkaluar nga bamirësitë e mëparshme.
Ajo shkroi se kishte zgjedhur 286 organizata që punojnë në pabarazitë racore, artet dhe arsimin.
Scott është një nga gratë më të pasura në botë. Pjesa më e madhe e pasurisë së saj vjen nga divorci i saj në vitin 2019 me Bezos, i cili aktualisht është njeriu më i pasur në botë.
Si pjesë e marrëveshjes, Scott përfundoi me 4% të aksioneve të Amazon, pasi kishte ndihmuar Bezos të fillonte gjigantin e teknologjisë në 1994.
Shkrimtarja që atëherë ka bërë me dije donacionet e saj bamirëse, të tilla si në dhjetor, kur ajo zbuloi se kishte dhuruar më shumë se $ 4 miliardë dollarë në vetëm katër muaj për organizata bamirëse të drejtuara nga gratë, bankat e ushqimit dhe kolegjet për njerëzit me ngjyrë.
Pavarësisht nga këto donacione, ajo është ende personi i 22-të më i pasur në botë, me vlerë 59.5 miliardë dollarë, sipas Forbes.
Burimi: BBC Përshtati: MCNtv.al
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
